LALORAN TASI MANE

Changi International Airport-SG 19-09-2015 Nw Tatoli lia murak Tatoli lia tuir anin tuir naroman loro matan Tatoli lia murak fuan nian Tatoli tuir naroman fulan kalan nian tuir naroman fitun kalan. 

ANIN TASI FETO Dili, 11/04/2016 Hakerek nain: Nw Hakat ho anin tasi feto Rai rahun nakonu dalan Anin tasi feto dala wain su fera tali tahan Anin tasi su nafatin Su mata laran, su les kulit metan Su borus to'o rui mutin. 

ENTRE PALAPAN-LIFAU Oe-cusse, 15-05-2015 Hakarek nain : Nw Hakat ho malirin anin tasi feto Hamaluk ho Amanar*  Laloran tasi feto harahun rai henek tasi Rai heneke metan iha ain klor halakon tiha kolen iha isin Rai rahun iha isin Rai henek metan metin iha ain klor Hamaluk ho anin tasi hakat husi pasi ida ba pasu seluk iha fatuk karan hun Ho malirin anin tasi sulan tiha du'ut tasi, su lakon ai tarak  husi Ata dalan Mer laloran tasi feto maran iha kotuk laran Malirin anin tasi su do'ok tiha kosar no rai u'ut iha dalan Taka matan hakat.. Haluha tiha morin ai laran tuan Namalutun * Haluha tiha malirin ai laran tuan Namalutun [*. Lian Makalero. "Lee iha Lian Tetun Kadiuk Tasi"] [*. Namalutun, iha lian Makalero = Naran Ai laran tuan iha Parte Postu Administrativu Iliomar]

MANAS RAI HUN PALABAN Palaban, Oe-cusse 24/06/2016 Hakerek nain: Nw Rai manas, haketak fatuk hun husi rai u'ut Siak anin tasi feto su soruk rai henek tasi Anin tasi feto su mata laran Su do'ok tiha aidak tahan husi tarak Manas loro matan sunu motuk rai hun Ambeno   Anin tasi feto su soruk tiha malirin rai hun Ambeno Aidak tahan namalaek Semo tuir anin tasi Semo liu foho Faef Te'i Aidak tarak kroat liu tatuk karan tasi mane. 

A LUTA CONTINUA Iliomar, 20/08/2016 Hakerek nain: Nw Foti oin. Hateke ba oin hodi hakat.., hakat liu mate isin iha foho hun. Ran maten maran iha kabas.., ruin mutin falun ho ai tahan moruk. Hakat ho mata wen moruk metin iha kakorok talin. Hakat lahatene kole.. lahatene toba.. Helik fatuk hun husi anin tasi. Hamaluk ho malirin, hamaluk ho udan wen Mahon Ai Kiar sai uma lisan Katar maek ba Esperansa moris Koto moruk, Kumbili Hun moris nian Foti Liman Deklara  A LUTA CONTINUA. 

HAMANASA MIDAR  Comoro, Dili Timor-Leste Hakerek nain: Nw Halai ona Haksuit ona Duir ona Semo ona Semo hanesan anin Malirin hanesan We mota Irabere Suli haketak foer Suli hamos an husi fatuk, rai henek mota Hakat ho morin Rojas Maubessi Murak liu Verdi kafe tahan Robusta Hakat ho lian murak, murak liu lian Loriku Ho hamanasa midar, hapara ran suli tuir urat ho hamanasa midar hateteuk foho Ramelau.